فمّا واحد عندو لحجر في الكلاوي،شرب الزهر ياخي برى
خاطر الزهر اكسّر لحجر
----------------------------------------------------------------------------------
واحد يمشي يمشي يمشي ياخي تعب ولى يجري
----------------------------------------------------------------------------------
فما واحد حب يوسع بالو ياخي تقطع فما واحد حب يخطف الدورة ياخي خطفتو
----------------------------------------------------------------------------------
فما واحد حب يشق الطريق شوية جرح صبعوا
----------------------------------------------------------------------------------
فما واحد غبي ضيع لبهيم متاعوا شاف حمار وحشي متعدي قال ملى بهيم في بالوا كيف يلون روحو مانيش باش نعرفو
----------------------------------------------------------------------------------
فما فريق متاع كرة قدم متاع نمل فيهم صرصار علاش؟؟؟ لاعب اجنبي
----------------------------------------------------------------------------------
واحد بنا دارو في شكل دائرة باش ما تقولوش مارتو مخليني بين اربعة حيوط
----------------------------------------------------------------------------------
واحد محبس حركة المرور في اشارة علاش؟؟؟؟يحك في وذنو بالمتفاح
----------------------------------------------------------------------------------
قرد يتبع في طفلة معجب بيها علاش؟؟؟ اسمها موزة
----------------------------------------------------------------------------------
فما واحد احول دخل لجيش حطوه في قسم القصف العشوائي
----------------------------------------------------------------------------------
واحد غبي اتهموه بالذكاء طلع براءة
----------------------------------------------------------------------------------
فما واحد نذل مشى لجبانة و حط غناية الحياة حلوة
----------------------------------------------------------------------------------
فما واحد مشحاح عرس مشى لشهر العسل وحدو
----------------------------------------------------------------------------------
واحد يجري يجري لتوة ماحبسش
----------------------------------------------------------------------------------
واحد عمل sonnerie متاعو اذان كل ما يعملوا و احد appel يمشي يصلي
----------------------------------------------------------------------------------
ثلاث مجانين و احد منهم أسمة محدش و الثاني أسمه ياسر و الثالث أسمة مجنون... محدش و ياسر أضاربوا راح مجنون يبلغ الشرطة قال: محدش و ياسر يضاربوا قال الشرطي: أنت مجنون قال :كيف عرفت أسمي؟
----------------------------------------------------------------------------------
مجنون قتل بوه باش يحلف برحمتوا
----------------------------------------------------------------------------------
طبيب حل الموسيقي لماجنين لكل يرقصو كان واحد بقى ما رقصش جاه الطبيب قالوا علاش قالو المجنون اسكت راني انا العروس
----------------------------------------------------------------------------------
واحد مشى للبحرين هز معاه مايوهين واحد سكران سأل سكران صاحبو قالو إيمتى الخميس قالو ما نعرفش يا السبت يا الأحد
----------------------------------------------------------------------------------
خبير في الأنترنيت جابت مرتو طفل سمّاه دوت كوم
----------------------------------------------------------------------------------
واحد شمايتي حكمين عليه بالاعدام نهار التنفيذ جابو معاه واحد آخر باش ينفذو عليه حكم الإعدام هوّ لاخر سألوهم قالو
للأوّل أش تحب قبل التنفيذ قالهم نحب نشوف أمي قالوا للشمايتي و أنت قالهم ما تجيبولوش أمّو
----------------------------------------------------------------------------------
واحد بخيل قاعد في الطاق الرابع طاحلو دينارهبط يجري مالقاشو علاش ؟ وصل قبلو
----------------------------------------------------------------------------------
فمة واحد طاح عليه اليل مـــــــات
----------------------------------------------------------------------------------
قالك فما واحد حب يصب كارطة في تليفونو يا خي تكبت عليه
----------------------------------------------------------------------------------
تونسي وياباني وامريكي تخاطرو اشكون يحرك ذيل فيل الامريكي بالاورديناتور والاسلحة مانجم يعمل شي الياباني بالكاراتي والتايكواندو النسمة مانجموش جاء التونسي وقال ميفل فيه كان الفلفل الحر حط للفيل ياخي الفيل حرك ذيلومن بعد تخاطرو اشكون ايحرك راس الفيل الياباني مانجمش والامريكي زادة جاه التونسي وقال للفيل ايا انعاودلك كيما بكري جاوبو الفيل براسو لا لالالالالالالالالا
----------------------------------------------------------------------------------
الشرطي يسأل في السارق بربّي كيفاش نحّيت السطوش وهو في جيب الفيستة متاع الراجل و مسكّر من الداخل بسلسلة؟ قالو برجوليّة آنا ما نعطيش سر المهنة بلّوشي
----------------------------------------------------------------------------------
فمة واحد طالع في كميون مع عجل..........ياخي طاح العجل قالوا للراجل وينو العجل......قلهم العجل ماهو طاح قالوا شبيك ما قلتش .........قالهم ......كان طحت آنا باش يقوللكم العجل
----------------------------------------------------------------------------------
واحد طلب من امو تدعيلو قالتلو روح يا ولدي ربي يعطيك دار بلا كرا و ماكلا بلا شرا ياخي قي روحو في الحبس
----------------------------------------------------------------------------------
قالك فما واحد مرماجي مزمّر تعدت قدامو وحدة حلوة تتكيّف... قلها ياريتني سيقارووو في فمك ياخي جاوبت : منتكيفش الحلوزي
----------------------------------------------------------------------------------
فمة واحد قتل الوقت حكمو عليه بالاعدام
----------------------------------------------------------------------------------
فمةمحامي رفع قضية، طاحت عليه
----------------------------------------------------------------------------------
فمة واحد حب يبني مستقبلوا ياخي مالقاش سيمان
----------------------------------------------------------------------------------
فمة دودة امشات للحمام تعرفوش اعلاش خافت على روحها لا اداود من الوسخ
----------------------------------------------------------------------------------
مره واحد اصلع عرس بوحده صلعة جابو ولد سموه شعراوي
----------------------------------------------------------------------------------
استاذة رياضيات عرست بواحد هامل و منحرف جابو واحد سموه شبه منحرف
----------------------------------------------------------------------------------
الشرطي يسأل في السارق بربّي كيفاش نحّيت السطوش وهو في جيب الفيستة متاع الراجل و مسكّر من الداخل بسلسلة؟ قالو برجوليّة آنا ما نعطيش دروس بلّوشي
----------------------------------------------------------------------------------
ذكريات الطفولة :
أسمع أنا باش نقلّو سيدي ماشي للتّوالات وانت أرميلي الكرطابة مالشّبّاك....
يقول لك: أمان قصّلي ورقة من كرّاستك.....فتجيبه: والله ما انّجم فتّ النّصف....
تبدا تفسّخ في السّبّورة والمعلّم يدور عالكرارس ويصلّح في الأغلاط والعصا في يدّو..... ساعة كاملة وانت تفسّخ وهو ناسيك سبحان الله...
الأستاذ يتغشش ويحلف: والله لاعاد مكمّل الدّرس ولاعاد مفسّر شي..انت تفرح...ويقوم واحد قاعد في الطّاولة الأولى ويقلّو "سيدي سامحنا"....
ههههههههههههه
----------------------------------------------------------------------------------
"طفف! ماذا جرى! سقط بشير في البرميل." هذا آش نتفكر من قراية الابتدائي
----------------------------------------------------------------------------------
ماذا يعنيلك كلام الناس ؟
كيف الورقة لي تجي في وسط باكو الدواء
----------------------------------------------------------------------------------
فاش تستنى من شعب
كي يشوف دارهم نظيفة و منظّمة
يسألهم : ياخي شكون جاي ؟
هههههههههههههههههههههههههههههههههه
----------------------------------------------------------------------------------
الدكاترة توا يخدمو كيما الميكانيسيآنات
لازمك تمشي لأكثر من طبيب باش تعرف شنوا المرض لي عندك
هههههههههههههههههههههههههههههههه
----------------------------------------------------------------------------------
وحدة قبل ما تسافر قالت لراجلها اتولهالي بالقطوسة متاعي
كلمتو بعد ما سافرت باش تسألو شنحوالها ، قالها : ماتت اليوم ّّّ
ولات تبكي و قاتلو حرام عليك علاش هكا تصدمني
ماو قلي اليوم راهي تلعب فوق السطح
و غدوا قلي طاحت و تجرحت و بعد غدوا غدوا قلي راهي ماتت ..ربي يسامحك
المهم شنحوال امي ؟
قالها : تلعب فوق السطح
ههههههههههههههههههههههههههههههههه
----------------------------------------------------------------------------------
باندي خذا باندية ...
حبلت كيف جات القابلة باش تولدها ...
الصغير قاللها :
سيبني نهبط وحدي
----------------------------------------------------------------------------------
فما دجاجة مرضت بالسخانه جابت عضمة مصموته
----------------------------------------------------------------------------------
واحد بليد مشا للسينما يلقاه فارغ فيه واحد برك
عاد قعد وراه و قالوا خويا بعد راسك تعمل مزية
----------------------------------------------------------------------------------
عصابة خطفت عزوزة ، واتّصلوا براجلها بالهاتف : آلو...مرتك بحذانا ..وهي تساوي ثلاثين مليون .. الزوج: وقتاش باش تبعثولي الفلوس ؟
------------------------------------------------------------------------
عزوزة تمشط في شعرها الليل كامل و سارق يستنى فيها ترقد
باش يسرقهاأهي توا ترقد !!! أهي توا ترقد!!! شاااي حتى لين
روحوا طلعت و هو يستنى هيا هي كملت و رقدت.. دخل دار
فركس مكنس مالقى شي يسرقه ..فرفشلها شعرها وهرب
----------------------------------------------------------------------------------
غبيان في مطعم طلب الغبي الأول عصير ليمون عليه ليمونة فطلب الثاني حليبا عليه بقرة
----------------------------------------------------------------------------------
في تونس فقط تلقاه لابس مونڨـالة
تسألو على الوقت
يجبد البورطابل
----------------------------------------------------------------------------------
أفشل جهاز إكتشفوا الإنسان هو مجفف اليدين تحط تحتوا يديك نص ساعة باش تشيحهم في الأخر تمسحهم في سروالك و تخرج
----------------------------------------------------------------------------------
يا ربي يسامحوني كل الضيوف لي جبتلهم كاس ماء وآنا
صغير .. شربت منو و كنت نحط فيه صبعي زاده باش نقيس
درجة البرودة
----------------------------------------------------------------------------------
ﺗﻜﻮن ﻣﺎﺷﻲ ﻟﺒﺎس ﻋﻠﻴﻚ ﻓﻲ اﻟﺸﺎرع ﺗﻌﺮﺿﻚ ﻣﺮا ﺗﻮﻗﻔﻚ : ﻣﺶ إﻧﺘﻲ وﻟﺪ ﻓﻮﻻﻧﺔ ﺷﺒﻴﻚ ﻣﺎ ﺗﺸﺒﻬﺶ ﻟﺨﻮك ﻣﺎﺷﻲ ﻓﻲ ﺑﺎﻟﻬﻢ اﻟﻮاﻟﺪة ﻋﻨﺪﻫﺎ imprimant ﺑﺶ ﺗﺠﻴﺒﻨﺎ اﻟﻜﻞ ﻛﻴﻒ بعضنا
----------------------------------------------------------------------------------
ليوم دخلت للفارماسي ..الفارماسيان حكالي نكته
ما عرفتش نضحك قبل الاكل ولا بعد الاكل
----------------------------------------------------------------------------------
الجملة الّتي ارعبتنا ايّام الابتدائي ...... برّا جيب عصا من القسم لاخر
----------------------------------------------------------------------------------
صار أنت ما تحبش شكون يفدلك معاك ؟ ..أوكي ما عاش نفدلك معاك
تونسي دامغ صاحبو بدبوزة قاز
----------------------------------------------------------------------------------
الشعب العربي:
كي يخرج من الدار يقفلها قفلتين
خاطر القفلة الأولى ينجم يحلها السارق
أما الثانية impossible
----------------------------------------------------------------------------------
قال لها please
فقالت له: يلعنو و يخزيه
و من وقتها و هو يقشر فالموز للقرودة فالموزمبيق
----------------------------------------------------------------------------------
الناس العادية تعمر الréveil على ال7:30 و تقوم عادي
أما أنا لازم نعمرو 6:30 6:45 7:00 7:15 7:30
و بعد مانقومش
----------------------------------------------------------------------------------
الفرق بين الثلاجة الأوروبية والثلاجة التونسية:
الثلاجة الأوروبية تلقى فيها:
حليب نصف دسم
خضر
مانجا..توت..تفاح
شوكولا كندر
الثلاجة التونسية:
عدس مالبارح في كاصرونة محروقة
شطر قرعة
حكة هريسة
معدنوس في ساك بلاستيك
شطر كعبة قارص من رمضان
دواء الكحة
واخيرا دبوزة خل من عهد الفينيقيين
----------------------------------------------------------------------------------
ساعات نكتب ستاتي يجي واحد يكتب كومنتار و يقلي "لوكان مشيت تخدم على روحك خير من تضييع الوقت راهو العمر يجري"!!! على أساس هوا يكتب في الكومنتار متاعو و هوا قاعد في المختبر يستنى في تفاعل النواة النيتروجينية و ثاني أكسيد المساطة ..
----------------------------------------------------------------------------------